TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Deputetja e Partisë Demokratike, Jorida Tabaku vizitoi mëngjesin e sotëm në Bllokun e Sigurisë protestuesit e ndaluar gjatë protestës së djeshme. Gjatë vizitës, ajo u takua dhe bisedoi me ta për ngjarjet e protestës dhe rrethanat e ndalimit të tyre.
Në një deklaratë për mediat pas daljes, Tabaku kundërshtoi arrestimet, duke u shprehur se personat që kishte takuar nuk kishin dhunuar apo goditur asnjë objekt. Sipas saj, ata kishin ndërhyrë për të mbrojtur protestuesit e tjerë nga dhuna e ushtruar prej policisë.
Deputetja demokrate theksoi se veprimet e tyre kishin qenë në mbrojtje të qytetarëve që po protestonin. Ajo e lidhi ndalimin e tyre me mënyrën se si institucionet trajtojnë qytetarët që ngrenë zërin dhe kundërshtojnë qeverinë.
Sipas Tabakut, arrestimet janë dëshmi e një sistemi që tregohet i fortë me të dobëtit dhe i dobët me të fortët. Në vlerësimin e saj, ky rast pasqyron një standard të dyfishtë, ku qytetarët përballen me forcën e shtetit, ndërsa përballë të fortëve sistemi shfaqet i dobët.
Vizita e mëngjesit në Bllokun e Sigurisë pason takimin e Tabakut mbrëmjen e djeshme në spital me Kevinin. Pas atij takimi, deputetja kishte denoncuar shenjat e dukshme të asaj që e cilësoi si trajtim çnjerëzor dhe kishte reaguar kundër dhunës ndaj të rinjve në protestë.
