TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Studentët e Fakultetit të Shkencave të Natyrës i janë bashkuar protestës së nisur nga studentët e Mjekësisë.
Fillimisht ishin studentët e Mjekësisë që u mobilizuan dhe nisën marshimin drejt Fakultetit të Shkencave të Natyrës, ku u bënë thirrje studentëve që t’i bashkoheshin protestës.
Në momentin e mbërritjes së tyre, dera e fakultetit ishte e mbyllur. Megjithatë, pak më vonë, dera u hap dhe studentët dolën nga auditorët, duke iu bashkuar protestës.
Studentët janë dëgjuar një zëri duke hedhur thirrje kundër qeverisë: “Rama në burg, Berisha në burg. Duam revoluicion”.
Më pas ata kane nisur një marshim drejt sheshit “Skenderbej”.
Protesta e sotme ishte paralajmëruar se do të niste sërish në orën 14:00. Por, studentët kanë bojkotuar mësimin në disa fakultete, tek ai i Drejtësisë, Mjekësia, Ekonomiku apo Politekniku.
Një pjesë e studentëve të Mjekësisë marshuan drejt Fakultetit të Shkencave të Natyrës, ku u bënë thirrje studentëve që t’iu bashkohen në protestë. Ishin vetë studentët që lanë ambientet e fakultetit dhe iu bashkuan protestës.
Edhe nxënës të gjimnazit Partizani nuk u futën në mësim mëngjesin e sotëm. Ata dogjën kosha në mes të rrugës së “Dibrës”, duke bllokuar qarkullimin. Studentët po marshojnë drejt Ministrisë së Arsimit.
