TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Në emisionin Të Paekspozuarit në Vizion Plus, ka patur një debat mes analistëve Andi Tela dhe Ilir Demalia lidhur me protestën e sotme, e cila solli përplasje të forta mes protestuesve dhe policisë.
Tela e cilësoi dhunën e policisë, të ngjashme me atë në kohën e diktaturës, ndërkohë që Demalia deklaroi se policia përgjigjet në këtë mënyrë edhe në vende perëndimore.
Debati:
Andi Tela: Ka njoftim zyrtar nga Kryeministria që ka deklaratë të Ministrisë së Shëndetësisë, thuhet se në spital është një punonjës policie,12 protesutes dhe 2 gazetarë. Këto shifra zyrtare, tregojnë përmasat e asaj që ka ndodhur, pa llogaritur protestues që nuk kanë vajtur në spital. Ishte protestë e paralajmëruar nga studentët. Gjatë verës thoshim të presim tetorin që studentët ti bashkohen protestës së madhe. U pa që zgjodhën këtë rrugën tjetër. Kishte studentë, kishte protestues të flamingove, por ishin të gjithë qytetartë shqiptarë që protestonin. Kemi parë sjellje atipike të policisë, e parë herë pas herë edhe në protestat e opozitës, por të kujton policinë e Hekuran Isait.
Ilir Demalia: Jo aman. Ku e ke parë ti policinë e Hekuran Isait?
Andi Tela: Kam parë 6 policë me shkopa gome. Me të gjtihë mjetet e mundshme. Kjo është mënyra si trajtohet protestuesi.
Ilir Demalia: Të krahasosh me policinë e diktaturës, është ti fryjmë tullumbaceve.
Andi Tela: I lanë protestuesit për 40 minuta të godisnin ministrinë, pstaj filluan të ndërhyjnë, ti godisnin në numër shumë më të madh, godisnin vajzat, pastaj u kthyen. Disa protesues goditën edhe një biznes. Bënë shumë keq, por policia i la, që ti të dalësh ti dhe të thuash fajin e kanë protestuesit...
Ilir Demalia: Në shpërthime këto janë gjëra që ndodhin.
Andi Tela: Nëse sheh video në rrjetet sociale, pamjet me protestues me këmbë të thyer dhe 4 policë që e tërheqin zvarrë. Nëse këtë imazh ma trashëgon me policinë e Hekuran Isait vazhdo. Nuk ka arsye që ministri i brendshëm, ai mund të bënte deklaratë por e ka kuptuar që ajo sjellje ishte tej çdo norme.
Ilir Demalia: Po policia franceze është si e Hekuran Isait? I tërheqin zvarrrë.
Andi Tela: Jo, jo kështu.
Ilir Demalia: Ke parë policinë amerikane dhe gjermane?
Andi Tela: E çfarë do të thotë kjo? Atje policia është mes qeverisë dhe publikut. Këtu mbështetëse e qeverisë.
Ilir Demalia: Policia është e shtetit.
Andi Tela: Jo është e imja dhe e jotja, jo për të mbrojtur qeverinë.
Ilir Demalia: Ku ke parë që policia shkon në krahun e protestën?
Andi Tela: Nuk hedh gaz që të mbysë gjithë pallatet.
