TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Hyn në fuqi vendimi për pezullimin e ndërtimeve gjatë sezonit turistik. Për një periudhë 45 ditore, nuk lejohet asnjë punim ndërtimi në terren qe cenon turistet. Kategoritë që përfshihen në masat e pezullimit janë, punimet në karriera, pikat e nxjerrjes, përpunimit dhe shfrytëzimit të inerteve si dhe aktivitet e lidhura me to.
Punimet e ndërtimit, nga faza e gërmimit dhe hedhjes së themeleve deri në përfundim të ngritjes së karabinës së objektit. Apo çdo ndërtim apo punim që shkakton zhurmë, pluhur ose ndikim tjetër negative në mjedis. Zonat që përfshin masa e pezullimit janë çdo zonë bregdetare, qendrat urbane turistike, qendrat historike apo zonat e mbrojtura me funksion turistik.
Përjashtohen nga pezullimi, punimet e rifiniturave të brendshme apo të vogla pas përfundimit të ngritjes së karabinës së objektit, të pajisura me dokumentacion dhe që nuk shkaktojnë zhurmë, pluhur apo kanë pasoja negative për mjedisin dhe turistët.
Në rast se subjektet shkelin këtë masë dhe vijojnë me ndërtime apo punime gjatë këtyre 45 ditëve, masa e gjobës fillon nga 2 milionë lekë. Qeveria shqiptare ka marrë këtë masë të përkohshme për një sezon sa më të qetë turistik, pa zhurma, pa pluhur dhe me standare.
