TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Në futboll mjafton edhe 0-1.
Partizani gjen fitoren e tretë radhazi dhe vendin e tretë në renditje pas shtatë javësh.
Mjaftoi një gol i sulmuesit serb me pasaportë zvicerane, Milan Basrak, për të siguruar fitoren e ngushtë 1-0 ndaj Vllaznisë në “Loro Boriçi”, pikërisht në debutimin e trajnerit të shkodranëve, Ernest Gjoka.
Gjithçka ndodhi në minutën e 4-t, kur nga një goditje këndi e ekzekutuar nga Trashi, sulmuesi 22-vjeçar i ardhur nga Katanxaro realizoi golin e vetëm të ndeshjes.
Partizani i Mark Julianos është tashmë pragmatist.
“Duhet t’u bëj komplimente djemve se vuajtën, dhanë provë maturie. Arritëm të merrnim maksimumin edhe me problemet e disa lojtarëve”, - tha trajneri italian për “Supersport” pas ndeshjes.
Nuk mungoi edhe komplimenti për autorin e golit, Milan Basrak
“Jam i lumtur, sa më shumë zgjedhje kam. E kuptoi çfarë kërkoja nga ai, bëri gol që është e rëndësishme dhe është alternativë e Çanit dhe Sukajt që presim të kthehen”, - tha Juliano.
Takimi i radhës për Partizanin është ai kundër Flamurtarit. (d.f/Tpz.al)
[video width="670" height="330" webm="https://cdnimpuls.com/tpz.al/wp-content/uploads/2017/10/ice_video_20171022-163351.webm"][/video]
Kategoria Superiore – Java 7
E diel, më 22 tetor, ora 14:00
Stadiumi “Loro Boriçi”, Shkodër
Vllaznia – Partizani 0-1
Shënues: Basrak 4′
