TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Çfarë e bashkon Gledion Rehovicën me Mina Kustën?
Në pamje të parë duket se janë dy individë të ndryshëm, por në fakt janë i njëjti person.
Është pikërisht krahasimi i gjurmëve të gishtave, të kryera nga Interpol Tirana dhe Interpol Roma, ato që e vërtetojnë shkencërisht këtë.
Gledion Rehovica është deputeti i Lëvizjes Socialiste për Integrim, për të cilin është kërkuar nga Prokuroria e Përgjithshme ndërprerja e mandatit parlamentar.
Rehovica, i njohur në Itali edhe me emrin Mina Kusta, është akuzuar për vjedhjen e një dyqani në shtetin fqinj në 27.02.1999.
Edhe deputeti i Partisë për Drejtësi, Integrim dhe Unitet, Aqif Rakipi ka përdorur emër tjetër në Itali: Skënder Ejylbegaj. Ai akuzohet se, më 03.11.1998 ka kryer veprën penale të marrjes së mallrave të vjedhur në Itali, por emrin Skënder.
Edhe për Rakpin është pikërisht krahasimi i gjurmëve të gishtave, të kryera nga Interpol Tirana dhe Interpol Roma, ato që e vërtetojnë shkencërisht këtë.
Dy deputetët, Aqif Rakipi i PDIU dhe Gledion Rehovica i LSI tashmë janë kallëzuar penalisht në Prokurorinë e Krimeve të Rënda.
Kallëzimi u bë nga Drejtoria e Dekriminalizimit në Prokurorinë e Përgjithshme për falsifikim të formularëve të vetëdeklarimit.
Dje prokuroria përmes një letre drejtuar KQZ kërkonte heqjen e mandatit për dy deputetët që sipas saj, preken nga ligji i dekriminalizimit.
/TPZ.AL/
