TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Deri tani kontaktet mes mafias siciliane dhe grupeve kriminale të vendit ballkanik ishin të panjohura. Operacionet e reja të policisë janë kthyer për t'u përqendruar në këtë vend prodhimi të drogës
Nga Irene Savoi, Romë
Në nëntor 2016, Policia Shtetit italian publikoi një njoftim për çmontimin e një rrjeti mafioz me qendër në Milano që importonte drogë nga Peruja dhe Shqipëria, dhe që më pas i shiti ato në Sicili dhe në Holandë. Duket si një nga operacionet e shumta policore të kryera në Itali çdo ditë. Megjithatë, operacioni, i filluar në vitin 2013 dhe me nofkën 'Rubens', fshehu një “skup”. Muaj më vonë, korrikun e kaluar, të këtij viti, Drejtoria e Hetimeve Anti-Mafias (DIA) e zbuloi atë në raportin e saj gjysmës së parë të vitit mbi çështjet mafioze në Itali: gjatë hetimit të tij, hetuesit kishin dokumentuar pjesëmarrjen e një përfaqësuesi të familjes mafioze të Karolo të Palermos, biri i një “bosi” të rëndësishëm të mafies siciliane, që fshinte një miqësi të pazakontë të Kosa Nostras me grupet kriminale të Shqipërisë.
DIA, në gjuhën e saj të zakonshme teknike, shkruante se "shenjat e aktivitetit" të Kosa Nostra u regjistruan gjithashtu në vendin ballkanik. Si referencë, hetuesit shtuan se, pak ditë pas operacionit 'Rubens', një tjetër operacion policor kishte çuar në arrestimin e gjashtë njerëzve të tjerë në Maskali, në krahinën siciliane të Katanias dhe konfiskimin e një ton marihuanë, të ardhur gjithashtu nga territori shqiptar.
Shpjegimet e agjentëve sqaruan manovrat e sicilianëve. Droga, e prodhuar në vendin ballkanik - të cilin disa vëzhgues në vitet e fundit e kanë quajtur "Kolumbia e Evropës" për shkak të rritjes së rolit të bandave të saj në trafikun ndërkombëtar - kanë lundruar në rrugën e vjetër detare të kontrabandës së cigareve të Ballkanit deri në brigjet e rajonit italian të Puljas dhe më pas nga ajo ishte transportuar nga toka në Kalabri, respektivisht nga mafiat e Sacra Corona Unida dhe nga “Ndrangheta” e fuqishme. Nga Kalabria, narkotikët më në fund u dërguan në Sicili.
Këto ishin "shenja" se diçka e re po eksperimentohej. "Ne duhet të kuptojmë se kriminaliteti historik shqiptar nuk ka pasur një marrëdhënie të drejtpërdrejtë me Koza Nostran, siç ka ndodhur me Sacra Corona Unida të Puljas dhe me 'Ndranghetë” kalabreze", kujton Antonio Ingroia, një ish-prokuror me përvojë prej veterani në çështjet mafioze. Diçka që i referohet edhe gjeografisë, pasi brigjet e Shqipërisë dhe rajonit të Puljas, ndodhen në një distancë të shkurtër, të ndarë vetëm nga deti i ngushtë i Adriatikut, ndërsa Sicili është më larg.
"Ju mund të mendoni se një integrim më i madh midis mafies italiane po piqet." Në fakt, ndonëse ka lexime të tjera, duket e vështirë të mendohet se "mallrat" e Kosa Nostras do të udhëtonin nëpër territoret që kontrollon Sacra Corona Unida dhe 'Ndrangheta pa pëlqimin e tyre. Diçka që do të tregonte gjithashtu nevojën e Kosa Nostras për të gjetur partnerë të rinj, pas goditjeve të shumta të Shtetit italian në vitet e fundit në rrjetet e saj tradicionale”, thekson Ingroia.
Sepse, përveç kësaj, gjetjet e policisë italiane nuk kanë ndalur. Në tetor, “Guardia di Finanza” shkatërroi një rrjet tjetër, por këtë herë jo në Palermo, por në Katania, një qytet tjetër sicilian. Ishin katër italianë dhe tre shqiptarë të ndaluar dhe për katër të tjerë u lëshuan një urdhër. Sipas hetimeve të operacionit - me emrin "Rosa dei Venti", grupi, "vitet e fundit, kishte arritur të transportonte nga Shqipëria (në Sicili), marihuanë dhe kallashnikovë (...) në një vlerë të ardhurash prej 20 milionë euro ", bëri të ditur “Guardia di Finanza”.
Dhe në dhjetor, Drejtoria Siciliane Anti-Mafia sekuestroi prona, me vlerë 5 milionë euro, nga klani Morabito, gjithashtu nga Katania. "Unë u them vetëm atyre se kemi goditur një organizatë kriminale që vepron në tregtinë ndërkombëtare të drogës dhe se ajo tregoi se mund të ndërveprojë me një organizatë europiane si ajo shqiptare dhe ta bëjë këtë duke shmagur Ndranghetën", tha kreu i DIA-s siciliane, Renato. Panvino. "Është një sinjal që nuk duhet të kalojë pa u vënë re", shtoi ai.
Mbikëqyrja italiane në Shqipëri
Që agjentët italianë e kanë ndierë këtë manovër të re të mafias siciliane kjo nuk duket e çuditshme. Policia italiane, që nga vitet '50 të shekullit të kaluar, është përpjekur të ketë një prani në Ballkan. Dhe kjo është veçanërisht e vërtetë për Shqipërinë, një vend në të cilin një pjesë e konsiderueshme e popullsisë e di se si të shprehen në italisht dhe disa madje e konsiderojnë "rajonin e 21-të italian", siç tha një gazetar italian. Një prani që nuk është ndërprerë madje edhe gjatë viteve në të cilat ky vend ishte një nga më të izoluarit në Evropë, gjatë regjimit komunist të Enver Hoxhës (1944-1985), dhe që është intensifikuar vitet e fundit, që përkon edhe me rolin më aktiv i krimit të organizuar shqiptar në Itali dhe Evropë dhe rreziku i kthimit të xhihadistëve të huaj.
I pyetur për këtë çështje, Hako Çako, kreu i policisë shqiptare, shmang qartësimin e gjendjes së shëndetit të marrëdhënieve midis krimit të organizuar shqiptar dhe mafies italiane sot, por përgjigjet si më poshtë: "Unë vetëm mund t'ju them se ata kanë rritjen e operacioneve të përbashkëta [me policinë italiane], "i thotë gazetës “El Confidencial”. "Kontrolli i imigracionit dhe trafiku i drogës janë ndër shqetësimet kryesore të shprehura nga policia italiane", thotë ai. "Ata (kriminelët), ne e dimë, gjithashtu janë të vetëorganizuar" shton ai.
Dy javë më parë, Çako, bashkë me shefat e policisë së Bosnjës, Bullgarisë, Kroacisë, Greqisë, Maqedonisë, Moldavisë, Malit të Zi, Rumanisë, Serbisë, Sllovenisë dhe Hungarisë, si dhe përfaqësuesit e Europolit, Interpolit dhe Selec (Qendra për Zbatimin e Ligjit në Evropën Juglindore ), ishte në Romë, për të marrë pjesë në takimin e pestë që nga viti 2013 i të ashtuquajturit “Forumi i Romës”. "Ky takim riafirmon interesin tonë për një rajon që është strategjik për Bashkimin Evropian dhe në veçanti për Italinë", tha prefekti Marçelo D'Anxhelo, drejtor i Policisë Kriminale Italiane, duke sqaruar se midis çështjeve për t'u diskutuar ishte krimi organizuar.
D'Anxhloelo po i referohej operacioneve të shumta, disa prej të cilave kryheshin me fshehtësi ekstreme, nga policia italiane në rajon. Çfarë, në rastin e Shqipërisë, është përmbledhur në operacione të tilla si “Pameca 5”, që Italia paraqet si një mision për trajnimin dhe furnizimin e pajisjeve me policinë lokale. Është gjithashtu në operacion për të çrrënjosur plantacione kanabis në Shqipëri, e cila ka qenë në veprim që nga viti 2012 dhe e cila ka parë avionë të “Guardia de Finanza”, duke shfrytëzuar gjithastu paratë nga Bashkimi Europian, të patrullojnë qiejt e Shqipërisë për të ndjekur fushat e kanabisit në atë vend.
Aktiviteti italian lidhet, sipas shpjegimit zyrtar, se Shqipëria prej një kohe të gjatë dëshiron të hyjë në klubin e BE-së. Kjo është gjithashtu arsyeja pse, nën presionin europian, qeveria shqiptare e Edi Ramës ka rënë dakord të nisë një luftë publike kundër trafikantëve të drogës në vendin e tij gjatë viteve të fundit. Shembulli i tij më i dukshëm ka qenë ajo që ndodhi në fshatin e izoluar të Lazaratit, i cili deri në vitin 2013 ishte konsideruar si kryeqyteti i marihuanës në Europë, pasi atje prodhoheshin 900,000 ton drogë falë 130,000 bimëve të kanabisit të shpërndara në malet e saj, sipas të dhënave të Romës.
Një problem europian
Atë vit, megjithatë, 800 policë shqiptarë u paraqitën në fshat dhe rrafshuan të korrat. Operacioni zgjati pesë ditë, dhe pas kësaj biznesi kriminal nuk është rikuperuar kurrë. "Veprimet tona po japin frytet e tyre. Ne i detyrohemi një borxh ndaj “Guardia di Finanza”-s italiane dhe sistemeve të saj të sofistikuara të patrullimit të ajrit për të ndjekur fushat e marihuanës. Vitin e kaluar, këto fluturime lokalizuan 2.086 plantacione në të gjithë Shqipërinë. Këtë vit, në të cilën fluturimet janë zgjeruar dhe kontrolli është rritur, ata gjetën vetëm 88", tha triumfues Rama, në një letër të dërguar te gazeta “Financial Times” në nëntor.
Të tjerët, duke përfshirë opozitën shqiptare dhe disa gazetarë në vend, janë më skeptikë dhe thonë se të korrat janë zhvendosur në vende të tjera brenda vendit dhe se trafikantët e drogës gëzojnë mbrojtjen e klasës politike dhe të biznesit të vendit. Në të njëjtën kohë, të dhënat në dispozicion për fenomenin janë ende të paqarta, siç pranohen edhe nga disa vëzhgues ndërkombëtarë.
"Shqipëria vazhdon të jetë një furnizues i rëndësishëm i kanabisit, i cili shpërndahet përmes rrjetit kompleks të grupeve kriminale të organizuara në Shqipëri", thuhet në raportin e vitit 2017 të Këshillit Këshillimor për Sigurinë e Jashtme (OSAC) të Shteteve të Bashkuara. "Pavarësisht nga qeveria që thuhet se arrestimet dhe shkatërrimi i plantacioneve janë rritur në vitin 2016, burime të tjera pohojnë se prodhimi i kanabisit është rritur," vazhdon OSAC.
"Kjo histori nuk ka mbaruar, në asnjë rrethanë," pranoi edhe Rama, i cili, menjëherë pas kësaj, ka shtrirë gishtin tek qeveritë evropiane. “Që, - tha Rama, - këta kriminelë nuk punojnë vetëm në Shqipëri. Ata janë në lidhje me krimin e organizuar të vendeve që konsumojnë kanabis. Qeveritë e këtyre vendeve gjithashtu kanë për detyrë t'i sjellin ata para drejtësisë, "shtoi ai, në një shkrim me titull shumë elokuent: "Krimi në Shqipëri tani është një problem evropian".
Në këtë linjë, një raport i fundit me titull "Grupet kriminale shqiptare" dhe i realizuar nga studiuesit e pavarur Besfort Lamallari dhe Fabian Zhilla, profesorë të Harvardit, treguan se grupet kriminale shqiptare janë gjithnjë e më të sofistikuara dhe po rrisin ndikimin e tyre në sektorin publik shqiptar dhe në shoqëri. Në veçanti, klanet e vendosura në rajonin e Vlorës (jug), janë pjesë e rrjeteve ndërkombëtare, kryesisht në Itali dhe Spanjë, të cilat janë të angazhuara në trafikimin e drogës dhe armëve.
Marrë nga “El Confidencial”
Përgatiti: /TPZ.AL/
