TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Transmetimi një videoje nga emisioni “Stop” dhe arrestimet e fundit të të rinjve që shpërndajnë drogë në shkolla tek të miturit ka sjell një reagim nga zv.kryetari i LSI, Luan Rama.
Në një postim në Facebook, Rama shkruan se e vërteta është alarmante, gjendja është skandaloze dhe më alarmante është indiferenca e shtetit.
“E në gjithë këtë butafori të transmetuar prej ERTV-së, nuk munguan as deklaratat e Policisë së Shtetit, sipas të cilës, “…policia ka marrë një sërë masash për garantimin e rendit dhe të sigurisë publike me nisjen e vitit të ri shkollor.
Midis masave është shtimi i patrullave në orët e lëvizjeve më të mëdha në afërsi të shkollave… mbylljen apo largimin e lokaleve të tregtisë dhe pikave ambulante të shitjes që tregtojnë pije alkoolike, produkte ushqimore të skaduara apo në ndonjë rast dhe lëndë narkotike pranë shkollave” e të tjera e të tjera si këto!”, shkruan ndër të tjera deputeti i LSI.
