TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Shkëlzen Berisha flet për herë të parë për rihapjen e hetimeve për privatizimin e Operatorit të Sistemit të Shpërndarjes nga kompania ÇEZ dhe thirrjen e tij për të dëshmuar në Prokurori, si person që ka dijeni për çështjen.
Në një intervistë për Tv Klan ai thotë se ky veprim është vetëm një shashkë politike e Edi Ramës, pasi Prokuroria është bazuar vetëm mbi akuza politike.
Jeni thirrur si një person që ka dijeni që ka dijeni për privatizimin e CEZ?
Kjo është një shashkë politike, e cila ka filluar si e tillë në momentin kur Partia Demokratike depozitoi në parlament një kërkesë për ngritjen e një komisioni hetimor, për pazaret e Edi Ramës dhe largimin e CEZ nga Shqipëria.
Sipas Kontrollit ë Lartë të Shtetit, pazari i Edi Ramës me CEZ, për largimin e këtij të fundit i ka kushtuar shqiptarëve, plot 650 milion euro. Pra Edi Rama për t’iu përgjigjur politikisht kërkesës së Partisë Demokratike vendosi të ngrinte një komision hetimor parlamentar për privatizimin e OSSH-së.
Siç e kemi parë si përgjatë gjithë këtij komisioni që më lidh mua me privatizimin e OSSH-SË. Kush e ka bërë kallëzimin në fjalë? Kallëzimin në fjalë nuk e ka bërë asnjë prokuror, asnjë gjykatës, as policia ,as Kontrolli i Lartë i Shtetit, Shkëlzen Berishën e ka kallëzuar vetëm Edi Rama dhe Grupi parlamentar i Partisë Socialistë. Kallëzim dhe kallëzues më politik nuk mund të gjesh.
Gjatë kohës që zhvillohej komisioni hetimor, ku Ndue Kalai i kërkonte drejtuesve të CEZ me ju. Sa e vërtetë është?
Ndonëse ku e-mail, nuk është administruar kurrë në rrugë ligjore, pra kam gjithë të drejtën që të dyshoj. Në çdo dalje timen në komisionin hetimor parlamentar, kam deklaruar se nuk është kërkuar kurrë dhe nuk është zhvilluar kurrë. Pavarësisht kësaj, absurditeti i këtij e-mail, për ndikimin tim qëndron, ku premtim takim që unë nuk kam asnjë lidhje është bërë 9 muaj pasi ishte bërë privatizimi.. Kjo tregon se është një akuzë shumë e pastër politike dhe qesharake për mënyrën e ndërtimit logjik të saj.
Në këndvështrimin tuaj si po e trajton prokuroria këtë çështje?
Kemi dy prokurori, prokurorinë para kryeprokurorit dhe kryegjykatësit Edi Rama dhe prokurorinë pas kryeprokurorit Edi Rama. Kryeprokuroria para kryeprokurorit Rama me gjithë presionin politik u detyrua që të pushonte këtë kallëzim, sepse e kishte të pamundur që të ndiqte marrëzinë e Edi Ramës, që pretendonte se një premtim takim që nuk ka ndodhur kurrë, dhe që nëse do të zhvillohej do të ndikonte në vendim. Edi Rama pasi u bë kryeprokuror dhe kryegjykatës, detyroi dhe njëherë që prokurorinë që të riaktivizonte kallëzimin në fjalë dhe të dërgonte një flluckë thirrje të re publike.
Çfarë dëshmuat ju në prokurori?
Kam shkuar në prokurori dhe kam dëshmuar ato që kam thënë se herë kam dal nga Komisioni Hetimor Parlamentar. Të ardhurat e mia, kontaktet e mia dhe aktiviteti
Pse mendoni se kjo çështje po përdoret politikisht?
Edi Rama ka nevojë për çdo bombë dhe shashkë për të shpëtuar nga skandalet, e një pas njëshme që po dalim dhe po qelbin vendin çdo ditë. Edi Rama ka frikë. Pavarësisht se ai është kryeprokuror, pavarësish se ai është kryegjykatës, edhe pse sot është kryeministër, ai ka frikë si kurrë më parë. Ka frikë se e di që nuk mund të mbyllë çështjen e vjedhjes së 650 milion eurove tek CEZ. Ka frikë se e di që një ditë se ai dhe bashkëshortja e tij do të japin llogari për sarajet dhe bankat me aksioner anonim. Ka frikë se e di që prek fati i Tahirit. Edi Rama u ka lënë peng vëllain që ata ta përdorin për të transportuar drogë.
