TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Asim Koleci është emri i bosit të “luçiolave” (prostitutave), e që siguronte prej vetëm njërës prej tyre deri në 100 mijë euro, sipas asaj që raportojnë mediet italiane.
Policia italiane bëri të ditur se nga një rast i shfrytëzimi të një rumuneje, Koleci kishte fituar 20 mijë euro në vetëm 5 muaj.
Gjithçka që fitohej nga 15 prostitutat, midis tyre edhe një rumuneje përfundonte në duart e 31-vjeçarit Koleci, i cili kishte marrë me qira një vilë.
Shqiptarët e arrestuar janë Asim Koleci (31 vjeç), Lulzim Hoxha (41 vjeç), Musim Hoxha (28 vjeç) dhe B.M. (39 vjeç).
Skema ishte e thjeshtë dhe efikase. Për t’i çuar vajzat në vendin e punës shërbenin si taksi një familje italiane, që paguhej me 30 euro për një udhëtim, madje në “aksionin” e familjes së Monako di Kazaluçes ishin përfshirë edhe gruaja me vajzën e tij.
Vajzat prostituonin në pikat të ndryshme në komunat e Marçianize, Kapodrises, San Marko Evanxhelistës dhe San Nikola La Stradës.
TPZ.AL
