AKTUALITET, 16 Gusht 2022, 17:21

Vlorë/ Bie nga lartësia e një bordure, ndërron jetë 40-vjeçari

Vlorë/ Bie nga lartësia e një bordure, ndërron jetë

Një person ende i paidentifikuar, rreth 40 vjeç ka humbur jetën ditën e sotme, pasi aksidentalisht është rrëzuar nga një bordurë në shkallët e Kuzum Baba-së në Vlorë.

Policia bën me dije se ngjarja ka ndodhur rreth orës 16:30, ndërsa 40-vjeçari mësohet se ka ndërruar jetë në vend.

NJOFTIMI

Më datë 16.08.2022, rreth orës 16:30, në lagjen “Hajro Çakërri”, Vlorë, në shkallët e Kuzum Baba-së, dyshohet se është rrëzuar aksidentalisht nga lartësia e një bordure, një shtetas ende i paidentifikuar, rreth 40 vjeç.

Burime nga policia e Vlorës bëjnë me dije, se personi ka ndërruar jetë në vend.

Grupi hetimor vijon punën për identifikimin e personit dhe zbardhjen e plotë të rrethanave të ngjarjes.