TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Florjon Mima ka folur për nismën rajonale të Ballkanit të Hapur, të cilën e konsideron një projekt, që dëmton Kosovën.
I ftuar në emisionin "Të Paekspozuarit" në MCN TV, Mima tha se sot Kosova nuk e ka mbrotjen e Shqipërisë dhe " e ka shpinën të zbuluar". Ndërkohë që Ballkanin e Hapur e quajti "karamele me helmin brenda".
"Ky është një projekt politik (Ballkani i Hapur), që ka për qëllim të rrisë valencën në grup, jo të çdo shteti të veçantë. Gjashtë vende është një njollë goxha e madhe, që po qe se i ikën pjesës perëndimore, krijon një problem goxha të madh.
Në rrafshin praktik, siç tha Vuçit, ju e quani Republika e Kosovës dhe ne nuk e quajmë ndryshe... Pra, nëse doni të diskutoni për miell dhe vaj, hajdeni. Ky është tisi ekonomik që tenton të paketohet kjo karamele me helmin brenda.
Fat i madh që Kosova ka djem dhe vajza që i kanë dalë zot territorit të tyre dhe nuk lejojnë të tallen me emrat dhe kujtimin e fëmijëve që janë ende të pagjetur.
Ky njeri del dhe bën sarkazëm me Vuçiç, që është i qartë për punën e kombit të vetë.
Nëse Kosova ka patur përballë vetëm Serbinë dhe ka patur mbrojtje Shqipërinë, sot ka shpinën e zbuluar", tha Mima.
