TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Rreth orës 22 e 30 të mbrëmjes së djeshme në zonën e stadiumit Dinamo u raportua për një vrasje, ku brenda pak minutash u mësua se viktima kishte qenë Jurgen Kurti, një emër i njohur për mediat dhe për policinë.
Mbi Kurtin mësohet se është qëlluar me breshëri plumbash, në hyrje të banesës së tij, ndërsa ishte duke u kthyer nga palestra.
Autorët ishin të maskuar, pas krimit janë larguar me shpejtësi nga vendngjarja, ndërkohë që trupi i viktimës mbeti për disa minuta në rrugë, ku u krye dhe ekspertiza nga ana e policisë.
Policia ka sekuestruar kamerat e sigurisë për të kuptuar më shumë rreth lëvizjeve që kanë kryer autorët.
Momente të tmerrshme kanë qenë dhe ato kur në zonë kanë mbërritur familjarët mes tyre dhe e fejuara e Kurtit, Enxhi Ekonomi. Kjo e fundit dëgjohet të qajë me të madhe, dhe kërkon që të mbërrijë pranë trupit të të ndjerit.
“Më lini të kaloj…Jo, o Zot të lutem ai është shpirt, ai është jetë. Nuk kam më shpirt”, ishin klithmat e të dashurës së tij duke vajtuar.
Ndërkohë që në katin e shtatë të pallatit ku u vra Kurti, jetonte dhe nëna e tij, e cila sipas dëshmitarëve kishte vetëm pak minuta që ishte ngjitur në banesën e saj.
Kurti është përfshirë në të paktën dy vrasje, njëra e babait të tij në vitin 2016, dhe tjetra një vit më pas në Durrës, ndërsa viktimë mbeti Agim Arapi.
Vrasja e të atit:
Gjatë vitit 2016 ai së bashku me dajën e tij u akuzuan për vrasjen e babait Artur Kurti.
Jurgen Kurti, në atë kohë u la i lirë nga Krimet e Rënda, pasi daja i tij Leonard Ristani mori përsipër krimin. Në media u pretendua se Artur Kurti ushtronte dhunë mbi nënën e Jurgenit, dhe ai kishte ndërhyrë në mbrojtje të saj.
Vrasja në Durrës:
Agim Arapi dyshohet se u vra për një borxh prej 13 mijë lekësh të reja. 11 prej familjarëve të tij janë shoqëruar në polici, për tu verifikuar dhe për tu marrë në pyetje.
Bashkëshortja e tij Vjollca Arapi është shprehur se ngjarjen e kishte mësuar përmes mediave.
Kurti dukej në pamjet e sigurisë se kishte pasur rol aktiv në rrahjen që i shkaktoi vdekjen Arapit, u la i lirë nga ana e organeve të drejtësisë. Gjykata e Durrës dënoi vetëm Kujtim Ekonomin me 5 vite burg.
Bizneset dhe jeta e luksit:
Kurti mësohet se ka pasur të paktën 10 biznese në pronësi të tij, ç’ka bënte që të pasqyronte jetën e tij luksoze dhe në rrjetet sociale./Fax News
