TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Policia Rrugore e Tiranës, ka marrë një sërë telefonatash për bllokim të qarkullimit herë pas herë nga shkelës të qarkullimit rrugor, të cilët shkelin semaforin e vendosur për të disiplinuar lëvizjen pasi ka vetem nje korsi lëvizje.
Semafori i vendosur tek ura e ngushtë që lidh zonën e Paskuqanit dhe të Babrroit me Tiranën, çdo ditë kryesisht në orët e pikut ka telefonata për bllokim të trafikut për shkak se nuk respektohet semafori, duke bllokuar lëvizjen mbi urë.
Nisur nga këto shqetësime Policia Rrugore e Tiranës prej orës 09:30 të datës 20.03.2018 ka organizuar grup kontrolli për dokumentimin dhe verifikimin e shkeljeve administrative në këtë zonë dhe nga monitorimet e kryera janë konstatuar dhe ndëshkuar 30 automjete për shkelje të parashikuara në nenin 144 paragrafi 3 i ligjit Nr.8378 datë 22.07.1998, i ndryshuar, Kodi Rrugor i Republikës së Shqipërisë "pasi kanë vazhduar lëvizjen ndonëse sinjalizimi i semaforit e ndalon atë".
Policia Rrugore do vijojë me kontrollet në këtë zonë edhe ditët në vazhdim, me qëllim disiplinimin e përdoruesve të rrugës me sinjalizimin e ndritshëm, si dhe shpreh edhe një herë falënderim për të gjithë ata qytetarë që denoncojnë shkelësit e Kodit Rrugor.
