LEXO PA REKLAMA!

SHKARKO APP

App Store
Google Play
MERR NJOFTIME NGA TPZ.AL
NDIQ TPZ NE YOUTUBE NDIQ TPZ NE FACEBOOK

TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.

FLASH!

AKTUALITET, 23 Shtator 2017, 16:36

Universiteti i Tiranës larg nivelit akademik; studentë të rinj por kurrikula të vjetra

TPZ
Universiteti i Tiranës larg nivelit akademik; studentë të rinj

Në pritje të çelejes së vitit të ri akademik, vijnë edhe vlerësime për këtë nivel arsimor të shumëkërkuar  dhe pa kriter, në Shqipëri. Raporti i Agjencisë Britanike mbi Cilësinë, e rendit në fund Universitetin e Tiranës, ndër më të dobtit: Universiteti i Tiranës, sipas agjencisë, nuk përmbush pesë kushtet kryesore sa i takon cilësisë akademike.

Janë një sërë mangësish që numëron agjencia, ndër të cilat: vlerësim subjektv, programe jobashkohore, mungesë literature për kërkimin shkencor dhe bibliotekave të varfra, mangësi këto që ndikojnë drejtpërdrejt në forminin intelektual dhe profesional te studentët.

Referuar situatës, bordi i akreditimit udhëzon Universitetin e Tiranës, për vitin e ri akdemik 2017-2018:

“Universiteti duhet të zbatojë një qasje gjithëpërfshirëse të qëndrueshme dhe të dokumentuar për vlerësimet periodike të performancës dhe aftësive të stafit, si dhe të rishikojë të dhënat e programeve të studimit për të siguruar që është aktual, korrekt dhe në përputhje me kërkesat ligjore. Mungesa e misionit dhe objektivave të qarta janë vënë në pah si dobësi dhe rekomandohet të përmbushet në kohë rekord. Niveli i ulët i performancës së universitetit ka shkaktuar zemërimin edhe të studentëve që i kanë besuar të ardhmen e tyre. Në shenjë proteste, një grup studentësh kanë vënë një banderolë në hyrje të rektoratit të UT-së me mbishkrimin: Ulu 4, turp!”. – shkruhet ndër të tjera në raport.

 EKIPI I KONTROLLIT GJETI DOBËSITË E MËPOSHTME:

  1. Mungesën e një deklarate të qartë të misionit të Universitetit dhe objektivave në Statut, të miratuara në 2009 dhe vonesa në zhvillimin e një statuti të rishikuar, që merr parasysh ligjin për një edukim më të lartë të vitit 2015.

  2. Mungesën e zhvillimit të një strategjie aktuale, të kohëve të fundit dhe të plotë Një raport vjetor nuk i është paraqitur ministrisë për vitin 2016

  3. Mungesa e një tregu kërkimor të nivelit institucional, për të përforcuar misionin dhe qëllimin e Universitetit.

  4. Mungesa e provave për një qasje gjithëpërfshirëse, të qëndrueshme dhe të dokumentuar për vlerësimet periodike të performancës dhe aftësive të stafit

  5. Përmbajtje kontradiktore të uebsajtit, stilit dhe formatit, mungesën e zhvillimit të sektorëve kryesorë dhe sigurinë në shqip

  6. Presion i vazhdueshëm në ambientin dhe infrastrukturën për performancën shkencore dhe akademike

  7. Të dhënat e programeve të studimit janë të vjetra, përmbajnë kopje dhe mungesën e dokumentacionit ligjor

  8. Lëvizshmëri e ulët e studentëve nëpër programe europiane

  9. Mungesa e një sistemi moderimi të qartë dhe prova me dokumente, që do të siguronte aksionerët se proceset e vlerësimit janë të vlefshme, të sakta dhe të drejta

  10. Mungesa e një politike formale mbi plagjiaturën dhe shkelje të tjera akademike

  11. Mungesa e një politike të qartë dhe dokumentuar të Universitetit mbi garancinë e cilësisë së programeve të studimit

  12. Mungesa e një strategjie formale kërkimore për të drejtuar prioritetet

  13. Sigurim dhe akses i pamjaftueshëm si në tekste librash, ashtu edhe në materiale online

  14. Mungesa e një politike të qartë për të ushtruar qasje parandaluese dhe kuruese për të përmirësuar shëndetin e studentëve

  15. Nuk janë mbajtur të dhëna statistikore mbi punësimin e të gjithë të diplomuarve