LEXO PA REKLAMA!

SHKARKO APP

App Store
Google Play
MERR NJOFTIME NGA TPZ.AL
NDIQ TPZ NE YOUTUBE NDIQ TPZ NE FACEBOOK

TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.

FLASH!

AKTUALITET, 19 Dhjetor 2017, 09:09

Superkryeministri/ Edi Rama merr edhe lejet e ndërtimit, kalon gjithë kompetencat në zyrën e tij

TPZ
Superkryeministri/ Edi Rama merr edhe lejet e ndërtimit, kalon gjithë

U fol aq shumë për dy superministrti të qeverisë Rama 2 ku përgjegjësitë që kanë Ministria për Financat dhe Ekonominë dhe ajo për Infrastrukturën dhe Energjinë janë të pafundme. Por këto të dyja nuk janë të vetmet. Nga shtatori e në vijim janë një seri vendimesh dhe aktesh nënligjore po shtojnë listën e përgjegjësive për Kryeministrinë duke e kthyer edhe numrin 1 të qeverisë, në një Superkryeministër. Pas pjesës që lidhet me statusin e investitorit strategjik e sa e sa vendime të tjera, listës së përgjegjësive për Kryeministrin i është shtuar edhe kontrolli mbi territorin, pra çdo leje që jepet.

Në datën 13 dhjetor janë bërë ndryshimet përkatëse në vendimin “Për mënyrën e organizimit dhe të funksionimit të Agjencisë së Zhvillimit të Territorit”. Kjo Agjenci ishte nën Ministrinë e Zhvillimit Urban gjatë mandatit të parë qeverisës të kësaj mazhorance por që në mandatin e dytë kjo ministri u shkri duke ndarë kompetencat mes ministrive të reja.

Referuar vendimit përcaktohet se Agjencia e Zhvillimit  të Territorit i kalon tashmë Kryeministrit. Po kështu nëse më herët drejtuesi i kësaj agjencie emërohej, lirohej apo shkarkohej nga detyra me urdhër të kryeministrit por me propozim të ministrit përkatës tashmë çdo procedurë bëhet nga Kryeministri.

Përgjegjësitë e Agjencisë

Referuar vendimit në fuqi AZHT kryen rolin e sekretariatit teknik të Këshillit Kombëtar të Territorit . në këtë kuadër ka përgjegjësi për të :

  1. Pranuar dokumentacionin për shqyrtim dhe miratim nga Këshilli Kombëtar i Territorit

  2. Organizuar mbledhë të KKT-së

  3. Përgatitur dhe administruar dokumentacionin që shqyrtohet në to. Agjencia ka kompetencë dhe përgjegjësi për të organizuar, drejtuar dhe bashkërenduar procesin me autoritetet e tjera përgjegjëse në nivel qendror dhe ose vendor me qëllim përgatitjen për shqyrtim dhe miratim të dokumenteve kompetencë e KKT-së sipas parimit të shërbimit me një ndalesë.

  4. Bashkëpunuar me njësi të qeverisjes vendore dhe institucione të tjera përgjegjëse për çështje të planifikimit dhe zhvillimit që janë në kompetencë të KKT-së

  5. Kryer komunikimin me palë të treta

  6. Komunikuar për të shpërndarë dhe për të botuar, sistemit elektronik të lejeve vendimet dhe dokumentet e miratuara nga Këshilli Kombëtar i Territorit

  7. Vënë në zbatim vendimet e Këshillit

  8. Kryer monitorimin e zhvillimeve të territorit nëpërmjet regjistrit të integruar të territorit për të përgatitur raportin përkatës dhe për të informuar Këshillin Kombëtar të Territorit e autoritetet e tjera që kanë përgjegjësi në fushën e planifikimit dhe zhvillimit të territorit

  9. Ofruar mbështetje ndaj njësive të qeverisjes vendore në proceset e tyre të zbatimit të instrumenteve të drejtimit të zhvillimit sipas legjislacionit për planifikimin.