TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ekipet ruse dhe kombëtarja e këtij vendi do të mbeten jashtë të gjitha garave të organizuara nga FIFA. Gjykata e Arbitrazhit Sportiv (CAS) i është përgjigjur kërkesës së Federatës Ruse të Futbollit për pezullimin e masës së përjashtimit të nisur si nga FIFA ashtu edhe nga UEFA, deri në marrjen e një vendimi përfundimtar nga vetë CAS.
CAS vendosi mëngjesin e sotëm pro FIFA-s dhe UEFA-s, duke hedhur poshtë kërkesën e federatës ruse, që kërkonte pezullimin e vendimeve të institucioneve në fjalë deri në një vendim përfundimtar në lidhje me këtë çështje.
“Presidenti i Divizionit të Arbitrazhit të Apelit të Gjykatës së Arbitrazhit Sportiv (CAS) hodhi poshtë kërkesën e paraqitur nga Federata Ruse e Futbollit për të pezulluar, për kohëzgjatjen e procedurave të CAS, ekzekutimin e vendimit të Këshillit të FIFA-s për eliminimin e të gjitha ekipeve dhe kombëtares ruse nga pjesëmarrja në garat e saj deri në njoftimin e mëtejshëm. Si rezultat, vendimi i kontestuar mbetet në fuqi dhe të gjitha skuadrat dhe klubet ruse vazhdojnë të pezullohen nga pjesëmarrja në garat e FIFA-s. Procedurat e arbitrazhit të CAS janë duke vazhduar. Një panel arbitrazhi është duke u ngritur dhe palët po shkëmbejnë raportet me shkrim. Nuk është caktuar ende seancë dëgjimore”, bëri me dije CAS.
Këto sanksione ndaj Rusisë u vendosën pas nisjes së pushtimit të Ukrainës dhe nuk dihet sesa do jetë kohëzgjatja e tyre.
