TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ndërsa Interi po shton presionin për të sjellë Ademola Lukmanin në Milano, Atalanta nuk jep asnjë shenjë tërheqjeje. Klubi bergamask qëndron i vendosur, për sulmuesin nigerian kërkohen të paktën 50 milionë euro, asnjë qindarkë më pak.
Megjithëse Interi ka arritur një marrëveshje me vetë lojtarin, Atalanta mbetet e patundur në kërkesat e saj dhe beson se mund ta arrijë këtë shumë qoftë nga zikaltrit, qoftë nga ndonjë klub tjetër që mund të hyjë në garë. Edhe pse largimi i Lukman duket i pashmangshëm, drejtuesit e Atalantës duan që ndarja të ndodhë sipas kushteve të tyre. Ndërkohë, klubi po shikon përpara.
Emri më i përfolur për të zëvendësuar Lukmanin është Federiko Kieza. Pas një sezoni të vështirë te Liverpuli, ish-lojtari i Fiorentinës dhe Juventusit mund të rikthehet në Serinë A, me Bergamon që shihet si një vend ideal për rilindjen e tij. Me shitjen e Lukmanit, Atalanta do të kishte fondet për të investuar te Kieza, vlera e të cilit llogaritet rreth 15 milionë euro.
