SPORT, 14 Mars 2023, 15:06

Humbi toruan ndaj Berardit, pezullim dhe gjobë për Kumbullën

Humbi toruan ndaj Berardit, pezullim dhe gjobë për Kumbullën

Marash Kumbulla u ndëshkua me karton të kuq në takimin Roma-Sassuolo (3-4). Ishin minutat shtesë të pjesës së parë kur qendërmbrojtësi shqiptar humbi toruan.

Ai goditi Berardin, i cili i kishte bërë të njëjtën gjë më parë Kumbullës. Kryesori Fabbri akordoi penallti për Sassuolon dhe largoi me të kuq shqiptarin.

“Ai më goditi i pari me shkelm dhe ti më tregon mua kartonin e kuq?!”, iu hakërrye Kumbulla arbitrit pas ndëshkimit.

23-vjeçari është pezulluar me dy ndeshje dhe është gjobitur me 5 mijë euro. Kumbulla nuk do të jetë i gatshëm për Mourinhon për takimet ndaj Lazios dhe Sampdorias.