SPORT, 2 Korrik 2022, 10:14

Gafa/ Luiza Gegës i vendosin himnin e Libisë në podium

Gafa/ Luiza Gegës i vendosin himnin e Libisë në podium

Suksesi i atletes shqiptare Luiza Gega nuk është shijuar siç duhet për shkak të një gafe të organizatorëve në Lojërat Mesdhetare të Algjerisë, “Oran 2022”.

Gjatë ceremonisë që kulmoi me dorëzimin e medaljes së artë, Luiza Gegës i është vendosur himni i Libisë.

Rekordmenia e lojërave mesdhetare në garën e 3000 metrave priste të dëgjonte Himnin Shqiptar por nuk ndodhi aspak kështu. Pasi këmbënguli që të luhej himni, gafa u korrigjua.

Ky incident me himnin shqiptar nuk është i pari që ndodh. Në ndeshjen e kombëtares në Francë u vendos ai i Andorrës.