TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Miliarderi turk, Muhsin Bayrak pretendon se është në bisedime me Roman Abramovich për të blerë ekipin e Chelsea.
Ky ekip është nxjerrë në shitje nga Abramovich për 3 miliardë paund. Miliarderi rus ka deklaruar se paratë që do të gjenerohen nga shitja, do të jepen për bamirësi për viktimat e luftës në Ukrainë.
Pretendentët e deritanishëm për të blerë ekipin ishin Todd Boehly dhe Hansjorg Wyss, por tashmë turku Bayrak ka deklaruar se "flamuri turk do të valëvitet në Londër".
"Jemi në fazën e negociatave", thotë Bayrak.
Ai është kryetar i bordit të AB Group Holdings, e cila ka investime në ndërtim, turizëm, sektorin e energjisë dhe kriptomonedhat. Kompania mendohet se vlen të paktën 11 miliardë dollarë.
Roman Abramovich e mori vendimin për të shitur klubin që bleu 19 vite më parë, pas agresionit rus në Ukrainë, çka e ktheu vëmendjen tek aktiviteti i tij dhe nxiti thashethemet se qeveria britanike mund të vendoste sanksione edhe mbi të.
