TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Replikat mes kryeministrit Edi Rama dhe kreut të PD, Lulzim Basha ka vazhduar sërish në distancë.
Në një postim në rrjetet sociale, Basha i është përgjigjur kryeministrit Rama, duke i thënë se shëndetësia është në kolaps dhe askush nuk e përtyp propagandën fallso.
Sipas Bashës, të sëmurët nuk kanë para për të blerë barnat, ndërsa premton se kur PD të vijë në pushtet do ta shërojë Shqipërinë.
“Rama je një dështim i madh. Sa shqiptarë duhet të vdesin që të ndalësh sulmet politike dhe përpjekjet për të na mbyllur gojën?
Po të më kishe dëgjuar që para 6 muajsh, do t’ju kishe dhënë ndihmë financiare familjeve shqiptare dhe sot do të kishe një plan real kundër pandemisë. Askush nuk e përtyp propagandën tënde fallso.
Shëndetësia është në kolaps, të sëmurët nuk kanë para për të blerë barnat e shtrenjtuara dhe ekonomia është në krizë.
Ne do ta shërojmë Shqipërinë, do ti korrigjojmë dështimet e tua dhe do të sjellim shpresë të re për njerëzit”, shkruan Basha.
