TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Mbi 2 mijë efektivë të Policisë së Shtetit janë angazhuar për garantimin e rendit dhe sigurisë gjatë protestës së sotme në Tiranë, në ditën e 19-të të revoltës studentore.
Në mbështetje të studentëve është edhe Partia Demokratike, e cila zhvillon tubimin e dytë kombëtar që prej nisjes së protestave në kryeqytet.
Forcat e policisë janë pozicionuar kryesisht në pjesën e pasme të godinës, ndërsa në gatishmëri janë vendosur edhe autobotët me ujë me presion, si dhe efektivët e Forcave të Ndërhyrjes së Shpejtë (FNSH), të pajisur me mjete speciale.
Në operacionin për garantimin e sigurisë janë përfshirë forcat Shqiponja, FNSH-ja, efektivë të komisariateve të Tiranës, agjentë civilë dhe dronë për monitorimin e situatës.
Përveç pranisë së shtuar policore në terren, protestuesit do të monitorohen edhe përmes kamerave të sigurisë me rezolucion të lartë dhe dronëve, me qëllim identifikimin dhe dokumentimin e çdo shkeljeje të mundshme ligjore.
Protesta zhvillohet në kushtet e aktit të ri normativ për tubimet, i cili i jep kompetenca shtesë Policisë së Shtetit dhe parashikon sanksione administrative për personat që shkelin rregullat.
Gjobat e parashikuara variojnë nga 10 mijë deri në 500 mijë lekë, në varësi të shkeljes. Masat përfshijnë mosbindjen ndaj urdhrit për shpërndarjen e tubimit, si dhe mbulimin e fytyrës.
Tubimi i sotëm shënon protestën e dytë kombëtare të Partisë Demokratike në mbështetje të studentëve, që prej fillimit të revoltës studentore në kryeqytet.
