TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ky informacion, i pakonfirmuar zyrtarisht nga palët, po qarkullon së fundi në mediat italiane. Juventusi fitoi titullin e tetë radhazi në Serie A, por e përfundoi i eliminuar që në çerekfinale të Ligës së Kampionëve. Në fakt, kjo e fundit ishte objektivi madhor për bardhezinjtë, sidomos pas bashkimit me ta të Cristiano Ronaldos.
Zhgënjimi është i madh në Torino, ndërsa Allegri është vënë në dyshim. “Il Giornale” thekson përsëri një emër, që është pëlqyer gjithmonë nga “Zonja e Vjetër”, si zëvendësues i trajnerit aktual.
Në mënyrë të veçantë, kjo gazetë italiane siguron që, nëse në fund Conte preferon të shkojë tek Interi, dëshira e madhe për stolin e Juves është Guardiola.
Edhe ky i fundit nuk po kalon momentet më të mira te Manchester City, pas eliminimit të radhës e të hershëm nga Champions-i.
Kësisoji, nëse dështon edhe në garën për titull në Premier League, do ta mirëpriste aventurën italiane. Mësohet se Cristiano Ronaldo e miraton një përforcim të tillë në stol, teksa vazhdon presionin ndaj drejtuesve të Juves për të marrë edhe lojtarë si Varane, Isco e Marcelo nga Real Madridi.
