TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kamza ka dhuruar sot një nga surprizat e sezonit, duke fituar me shifrat 1-0 në fushën e Tiranës. Ekipi i drejtuar nga Devolli ka bërë “krimin perfekt”, pasi ka pritur gjithë ndeshjen momentin e duhur dhe ka goditur në ekstremin e saj me anë të Sebino Plakut, i kthyer përsëri te skuadra ku luajti në sezonin e kaluar.
Tirana dominoi mbajtjen e topit, por nuk arriti të shfaqej shumë rrezikshëm para portës përveçse me goditjet standarde, duke konfirmuar edhe një herë problemet para portës të cilat dy vite më parë e hodhën nga kategoria. Ze Maria ka kërkuar prej kohësh një sulmues dhe me sa duket nëse nuk e gjen atë dhe vazhdojnë problemet e Ngoo, do ta ketë të vështirë të luftojë për objektiva shumë prestigjiozë.
Ndërkohë, Kamza ka vazhduar në lojën e saj tipike duke përdorur në mënyrë shumë efektive kundërsulmin. Në fund, diferencën e bëri Plaku, i cili mbetet përsëri një nga sulmuesit më të mirë në Superiore dhe do të mbyllë këtë sezon me shiritin e kapitenit te Kamza.
