TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ish-kryetari i Hetuesisë së Tiranës u emëërua kryeprokuror me vendim të Parlamentit të parë pluralist të dalë nga zgjedhjet e 31 marsit, ku Partia e Punës, atëherë nën drejtimin e Ramiz Alisë, fitoi me një shumicë të qartë zgjedhjet. Petrit Serjani fitoi në votimin me një tjetër kandidat, Spiro Peçin, të cilin Kuvendi i parë pluralist në maj 1991 e emëron Zëvendësprokuror të Përgjithshëm të Republikës, detyrë të cilën e ka kryer deri në qershor 1992. Petrit Serjani qëndroi në detyrë nga maji i vitit 1991 deri në korrik të vitit 1992. Aktualisht, vazhdon të ushtrojë detyrën e avokatit.
2-MAKSIM HAXHIA (gusht 1992-nëntor 1992)Bashkëthethemeluesi i studios ligjore “Haxhia & Hajdari” u zgjodh prokuror në gusht të vitit 1992, por ai mbijetoi vetëm katër muaj, pasi në nëntor të po këtij viti, ai shkarkua nga parlamenti i dominuar plotësisht nga Partia Demokratike. Në fakt, seanca e shkarkimit të tij në parlament u mbajt, më 17 shtatorit 1992, kur një grup deputetësh të PD-së paraqitën një mocion kundër Prokurorit të Përgjithshëm, Maks Haxhia. Ai kritikohej për shumë mangësi në drejtimin e këtij institucioni ndër të cilat dhe më kryesorja ishte dënimi i munguar për ish-anëtarët e Byrosë Politike. Aktualisht, ai është Kryetari i Dhomës së Avokatëve të Shqipërisë dhe ka qenë avokat në disa nga proceset e bujshme, si çështja e Gërdecit, apo tani i ish-ministrit të Brendshëm, Saimir Tahiri.
3-ALUSH DRAGOSHI (nëntor 1992-gusht 1997)Njihej si dora e fortë e Partisë Demokratike, dhe më të ardhur në pushtet socialist, pas vitit të “mbrapshtë 1977”, u shkarkua në gusht të këtij vit, pa e plotësuar kohën prej pesë vjetësh: vetëm 4 vjet e nëntë muaj. Arrestimi i Fatos Nanos është firmosur nga Kryeprokurori Alush Dragoshi, ashtu edhe i ai i Ramiz Alisë, presidentit të fundit komunist, njëherësh edhe Sekretari i Parë i fundit i Partisë së Punës.
4-ARBEN RAKIPI (gusht 1997-mars 2002)I preferuar nga Fatos Nano, tashmë sërish kryeministër i vendit pas daljes nga burgu dhe fitimit të zgjedhjeve, parlamentare, Arbeb Rakipi u emërua me dekretin e Presidentit Rexhep Mejdani. Në kohën e Rakipit ndodhi vrasja e bujshme e Azem Hajdarit (1998), si dhe arrestimi i Zani Çaushit, i njohur si “kapobanda e Vlorës”. Një nga arrestimet e Rakipit është ai i Sokol Koçiut, një ish-mikut të tij të ngushtë, një prokuror që ishte përfshirë në trafikun e drogës në Vlorë. Në datë, 18 mars 2002, Rakipi u shkarkua pas një votimi në parlament: 78 vota pro, 10 kundër, 5 abstenime.
5-THEODHORI SOLLAKU (mars 2003-nëntor 2007)Ish-këshilltari ligjor i Sali Berishës, në kohën kur lideri historik i së djathtës ishte President dhe kandidat për deputet i PD-së në Sarandë në zgjedhjet e vitit 1996, Theodhori Sollaku, Doktor i Shkencave Juridike u emërua Prokuror i Përgjithshëm, mars 2003. U cilësua si figurë konsensuale pasi kishte qënë këshilltar i Berishës kur ishte President dhe më pas kishte qëndruar në këtë detyrë edhe gjatë presidencës së Rexhep Meidanit. Por, kryeministri Sali Berisha këmbënguli disa herë për shkarkimin e tij gjatë ushtrimit të detyrës nga ana Sollakut. Ishte presidenti i atëhershëm, Alfred Moisiu refuzoi të firmosë shkarkimin e Sollakut nga detyra. Sollaku qëndroi pesë vite të plota në detyrë, deri në nëntor 2007. E bujshme është vrasja e shoferit të tij, për të cilën mendohej se ishte kryer nga banda “Hakmarja për Drejtësi”. Tani është avokat. Një nga të fundit që ka mbrojtur Sollaku është ish-kryetri i Bashkisë së Kavajës, Elvis Roshi.
6- INA RAMA (nëntor 2007-nëntor 2012)Një nga të parat e diplomuar në shkollën e Magjistraturës (2001) dhe me disa detyra të tjera si gjyqtare në Lushnjë dhe Durrës, Ina Rama ishte një propozim i Presidentit të Republikës, Bamir Topi. Juristja 35 vjeçare, ishte anëtare e gjykatës së Apelit të Krimeve të Rënda. Emërimi i saj i befasoi të gjithë, por në prapaskenat e politikës, u konsiderua si një pakt i zgjedhjes së Topit President, dhe ishte i lidhur me shkarkimin e Sollakut. Në fakt, fillimisht ajo u konsiderua nga PD-ja (në mazhorancë) si “Silvia Konti”, por më pas ishte Kryeministri Sali Berisha që këmbënguli në mënyrë të vazhdueshme për largimin e saj të parakohshëm, pas qëndrimeve të Ramës në lidhje me vrasjet në Bulevardin “Dëshmorët e Kombit”, më 21 janar 2011. Gjithsesi, me mbështetjen e amerikanëve, ajo e mbaroi mandatin e saj. Dy ishin çështjet më të bujshme në kohën e saj: “Gërdeci” dhe “Rruga e Kombit”, në këtë të fundit ishte i akuzuar kreu aktual i Partisë Demokratike, Lulzim Basha.
7- ADRIATIK LLALLA (dhjetor 2012-dhjetor 2017)Llalla erdhi në krye të Prokurorisë, pasi më parë kishte qenë Inspektor i Përgjithshëm të Inspektoratit të Lartë të Deklarimit dhe Kontrollit të Pasurive (2008-2012). Adriatik Llala kishte qenë më parë prokuror në Lushnjë, Kavajë, Fier, ndërkohë që ishte dhe Kryetar i Këshillit të Prokurorisë. Gjatë pesë viteve të Llallës u fol shpeshherë për procese të bujshme, por që në fakt asnjëherë nuk ndodhën të tilla. I bujshëm mund të quhet arrestimi i Guvernatorit të Bankës së Shqipërisë, Ardian Fullani, por ai më vonë fitoi pafajësinë. Kryeprokurori kishte mbështetjen e Partisë Demokratike dhe të Lëvizjes Socialiste, por ia doli të rruante edhe ekuilibrat me Partinë Socialiste. Gjithsesi, Llalla së fundi nuk e kishte mbështetjen e Ambasadës Amerikane në Tiranë, dhe janë të njohura akuzat e tij ndaj ambasadorit Donald Lu, në lidhje me një ndërhyrje të supozuar në lidhjen me pushimin e hetimeve të kompanisë së naftës “Bankers Petroleum”.
8- ARTA MARKU (dhjetor 2017, me detyrë të përkohshme)Prokurorja e Shkodrës u votua në detyrën e Prokurorit të Përgjithshëm me mandat të përkohshëm me procedurë që u mbështet vetëm nga Partia Socialiste, pasi opozita parlamentare, PS-LSI dhe partitë e tjera e konsideruan atë një proces të paligjshëm dhe antikushtetues.
/TPZ.AL/
