AKTUALITET, 26 Korrik 2020, 18:13

Këshilli i Europës alarmohet nga plani i Polonisë për t'u tërhequr nga konventa kundër dhunēs ndaj grave

Këshilli i Europës alarmohet nga plani i Polonisë për

Këshilli i Europës, është alarmuar nga vendimi i qeverisë së djathtë në Poloni, për t'u tërhequr nga konventa e Stambollit, për parandalimin e dhunēs ndaj grave.

Ministri i Drejtësisë në Poloni, Zbigniew Ziobro, u shpreh se Polonia do të nisë zyrtarisht procesin e tërheqjes nga konventa e Stambollit ditën e hënë.

Kjo konventë, është instrumenti i parë në shkallë botërore, i hartuar për të parandaluar dhe luftuar dhunēn ndaj grave.

Polonia e kishte ratifikuar konventën në vitin 2015. Në atë kohë, Ziobro e quajti atë "një shpikje, një krijesë feministe me qëllim justifikimin e ideologjisë gay".

Sekretarja e Përgjithshme e Këshillit të Europës, Marija Pejčinović Burić, i dënoi planet e Polonisë për t'u tërhequr nga konventa, duke i quajtur ato "një hap pas në mbrojtjen e grave nga dhūna".

Partia në pushtet PiS dhe partnerët e saj në koalicion, janë të rreshtuar pranë Kishës Katolike dhe promovojnë një axhendë mjaft konservatore.

Gjatë fushatës presidenciale të Andrzej Duda, i cili arriti të fitojë dhe të rizgjidhet president i Polonisë, një nga shtyllat kryesore ishte kundërshtia ndaj të drejtave të homoseksualëve.

Rreth dy mijë persona protestuan në Varshavë të premten, kundër planeve të qeverisë për t'u tërhequr nga konventa.

/TPZ.al/