Kosova këtë të dielë ka shënuar një rekord vīktimash brenda 24 orëve duke regjistruar tetë pacientë që kanë humbur jetën prej COVID-19.
Tashmë bilanci total ka shkuar në 177 kurse sa i përket të infektuarve edhe sot pati shifër të lartë, 220 raste të reja.
Sërish Prishtina është vatra e nxehtë e Kosovës me 81 raste ndjekur nga vatra të tjera problematike si Peja me 23 raste, Ferizaj me 13, Podujeva me 12 apo Fushë Kosova me 10.
Por gjithsesi edhe numri i pacientëve që fituar luftën me COVID-19 është i lartë, 121 të tillë në 24 orët e fundit. Tashmë Kosova ka në total 7 mijë e 137 raste pozitive me COVID-19.