AKTUALITET, 26 Korrik 2020, 17:28

Vatra të reja me Covid-19 në Kavajë, infektohen dy familje

Vatra të reja me Covid-19 në Kavajë, infektohen dy familje

Dy vatra të reja janë konfirmuar me Covid-19 gjatë 24 orëve të fundit në Kavajë. Mësohet se janë konfirmuar me koronavirus pesë persona nga dy familje, njëra me tre anëtarë dhe tjetra me dy anëtarë.

Ndërkohë 4 personat e tjerë të infektuar janë raste të kontakteve të mëparshme.

Ministria e Shëndetësisë njoftoi se gjatë 24 orëve të fundit në Kavajë u konfirmuan 9 raste të reja me Covid-19.

Ndërsa në gjithë vendin u njoftua për 126 të infektuar, shifër kjo më e larta e raportuar që prej fillimit të epidemisë në Shqipëri.