TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Shira të rrëmbyer dhe erëra të forta kanë kapluar rajonet qendrore e ato jugore të Italisë.
Zona më e goditur nga moti i keq është Abruzzo me përmbytje përgjatë vijës bregdetare dhe rrëshqitje dheu në pjesë të tjera të saj.
Një 27-vjeçar gjeti vdekjen në Marche prej një aksidenti rrugor, pasojë e shiut të dendur. Pasagjeri që udhëtonte me të në kamionçinën e dalë nga rruga, mbeti i plagosur e ndodhet në spital.
Reshjet që nuk kanë të ndalur prej 24 orësh kanë shkaktuar probleme të mëdha në kufirin e provincave të Pescares dhe Teramos duke i zënë autoritetet lokale në befasi.
Edhe qarkullimi hekurudhor u ndërpre përkohësisht në linjën Adriatike.
Shkollat janë mbyllur, sipas mediave vendase, në pothuajse të gjitha komunat bregdetare. Por emergjenca në Abruzzo nuk prek vetëm bregdetin, e vështirë paraqitet situata edhe në disa zona të brendshme të tij ku ka pasur rrëshqitje toke.
Më në veri, u regjistruan probleme me energjinë elektrike, dhe si pasojë e dëborës së fillimin e javës situata është përkeqsuar.
