LEXO PA REKLAMA!

SHKARKO APP

App Store
Google Play
MERR NJOFTIME NGA TPZ.AL
NDIQ TPZ NE YOUTUBE NDIQ TPZ NE FACEBOOK

TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.

FLASH!

SPORT, 15 Tetor 2017, 11:20

Inter-Milan, derbi i Madonninës në shifra

TPZ
Inter-Milan, derbi i Madonninës në shifra

Derbi i Madonninës, do të jetë një sfidë me rëndësi të veçantë për të dyja skuadrat e Milanos, pavarësisht se është vetëm java e 7-të e Serisë A. Milanit i nevojitet fitorja për të mos e kompromentuar sezonin që në tetor, ndërsa për Interin mbetet një provë shumë e rëndësishme për vazhdimësinë.

Ky do të jetë derbi numër 167 në Serinë A. Në 83 sfidat e luajtura me Interin pritës, “zikaltrit” kanë fituar 30 herë, po 30 ndeshje kanë përfunduar në barazim, ndërsa 23 fitore i përkasin Milanit. Edhe golaverazhi është në favor të Interit 114/108. Nëse merren në konsideratë edhe sfidat me Milanin pritës, atëherë avantazhi i Interit thellohet me 61 fitore përkundrejt 51 të “kuqezinjve”, ndërsa barazimet janë 54. Gjithmonë duke iu referuar sfidave të kampionatit.

Për sa u përket përballjeve në total, në 218 ndeshjet e luajtura, Interi kryeson lehtësisht me vetëm dy fitore më shumë, 77 përkundrejt 75 të Milanit, ndërsa plot 66 herë derbi është mbyllur pa fitues. Edhe në këtë rast, diferenca në gola është vetëm 2, 196 ka shënuar Interi dhe 194 Milani.

Milani nuk fiton prej 7 vitesh në shtëpinë e “kushërinjve”. Një tjetër kuriozitet i këtij derbi lidhet më të dy trajnerët. Spalletti dhe Montella kanë qenë shokë skuadre tek Empoli në përiudhën 1991 – 1993. Më pas Spalletti ka qenë trajner i Montellës, fillimisht tek Empoli në vitin 1994 dhe më pas te Sampdoria në sezonin 1998 – 1999. Hera e fundit e këtij bashkëpunimi trajner-futbollist ka ndodhur te Roma në vitet 2005 – 2009.