AKTUALITET, 25 Tetor 2017, 21:59

Hidhen në erë dy automjete në Burrel, në pronësi të një biznesmeni

Hidhen në erë dy automjete në Burrel, në pronësi

Një shpërthim i fuqishëm me eksploziv është regjistruar mbrëmjen e sotme në Burrel.

Policia bën me dije se ngjarja ka ndodhur rreth orës 21.00 në hyrje të qytetit, ku pranë një mjeti është hedhur dhe ka shpërthyer një sasi lëndë plasëse.

Shërbimet e policisë dhe grupi hetimor kanë konstatuar se në oborrin  pranë një mobilerie, ka qenë i parkuar një automjet tip “Land Rover”, ku pranë këtij automjeti  dyshohet se është hedhur dhe ka shpërthyer një sasi lënde plasëse, duke u dëmtuar pjesërisht.

Automjeti është në pronësi të shtetasit F.B, rreth 50 vjeç, banues në Burrel.

Grupi hetimor ndodhet në vendin e ngjarjes ku po vijojnë hetimet për zbardhjen e rrethanave të ngjarjes.