Grabitën tre banesa në Shijak, pranga dy personave

Vihen në pranga autorët.

Sekuestrohet një automjet, katër biçikleta, dy televizorë, njësi kompjuteri, disqe automjetesh.

Specialistët për Krimet në Komisariatin e Policisë Shijak, në vijim të punës për zbardhjen dhe dokumentimin e plotë të ngjarjeve të ndodhura në territorin e tyre, me qëllim vënien para përgjegjësisë penale të autorëve, kanë finalizuar me sukses operacionin e koduar "Flash".

Janë arrestuar dy shtetas, të cilët një ditë më parë kanë vjedhur më thyerje banesa në lagje të ndryshme të qytetit të Shijakut.

Janë arrestuar shtetasit:

• F.R., 29 vjeç, banues në Shijak;

•S.Ll., 22 vjeç, banues në Shijak, i dënuar më parë për vjedhje.

Policia në sajë të veprimeve hetimore të specializuara dhe të pandërprera ka dokumentuar me prova shkencore katër vjedhje të dyshuara të kryera nga shtetasit e mësipërm, konkretisht:

. Më datë 20.02.2018, në lagjen “Popullore”Shijak dyshohet se kanë vjedhur magazinën e shtetasit R.K., ku kanë marrë 15 copë disqe automjetesh në vlerën 200 €/copa.

. Më datë 20.02.2018, në Shijak dyshohet se kanë vjedhur me thyerje banesën e shtetases D.D. ku kanë marrë tre televizorë të markave të ndryshme.

. Më datë 20.02.2018, në fshatin Shetel, Shijak dyshohet se kanë vjedhur me thyerje banesën e shtetasit J.T., ku kanë marrë dy televizorë të markave të ndryshme.

. Më datë 11.10.2017, në Tiranë dyshohet se kanë vjedhur një motor.

Janë sekuestruar në cilësinë e provave materiale:

. Një automjet tip Benz në pronësi të shtetases L.R., të cilën e përdornin për transportimin e sendeve të vjedhura.

. Një motor me ngjyrë të zezë me mbishkrimin SYM e vjedhur në Tiranë më datë 11.10.2017.

. Katër biçikleta.

. Dy televizorë të markave të ndryshme.

. Njësi kompjuteri, monitorë, tastierë.

. Tetë disqe alumini.

Materialet i kaluan Prokurorisë së Rrethit Gjyqësor Durrës për veprime të mëtejshme për veprat penale" Vjedhja "dhe” “Përvetësimi i sendeve të vjedhura”parashikuar në nenet 134/2 dhe 287/b të Kodit Penal.