TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Të gjithë ata shtetas që do të udhëtojnë drejt Italisë, nesër më 11 Janar, duhet të rishikojnë axhendën. Fluturimet ditën e nesërme pritët të kenë vonesa.
Kjo situatë do krijohet për shkak të një greve 4-orëshe në Itali nga ana e kontrollorëve të trafikut ajror.
Autoriteti i Aviacionit Civil informon qytetarët që kanë prerë bileta fluturimi nga aeroporti i Rinasit, të kontaktojnë me agjencitë përkatëse.
Njoftimi i Autoritetit Civil:
Autoriteti i Aviacionit Civil, i bën thirrje pasagjerëve që do të udhëtojnë ditën e nesërme 11 Janar 2019 nga Italia drejt Shqipërisë dhe anasjelltas, se ditën e premte unionet e kontrollorëve të trafikut ajror në Itali, do të mbajnë një grevë 4 orëshe, nga ora 13.00 deri në 17.00.
Si pasojë e kësaj greve pritet të ketë vonesa dhe anullime fluturimesh në disa aeroporte të Italisë.
Autoriteti i Aviacionit Civil i bën apel pasagjerëve që kanë rezervuar për të udhëtuar ditën e nesërme, që të kontaktojnë me agjencitë ku kanë marrë biletën dhe kompaninë ajrore, për t’u njohur me statusin e fluturimit në mënyrë që të evitojnë pritjet e gjata.
