TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Sekretari i Jashtëm britanik, James Cleverly është takuar sot me kryeministrin e Kosovës, Albin Kurti. Takimi është zhvilluar në Londër, ndërsa në qendër të diskutimeve ka qenë situata e tensionuar në Veri të Kosovës.
Sekretari i Jashtëm theksoi nevojën që qeveria e Kosovës të ndërmarrë hapa de-përshkallëzues për të ulur tensionet, duke ripërsëritur kërkesat që kanë parashkruar aleatët ndërkombëtarë.
Sekretari i Jashtëm nënvizoi se Serbia dhe Kosova kanë përgjegjësi të veprojnë tani për të de-përshkallëzuar tensionet dhe për të shmangur çdo veprim apo retorikë të mëtejshme nxitëse. Ai gjithashtu përshëndeti edhe lirimin e tre policëve të Kosovës, të cilët u ndaluan me 14 Qershor nga forcat serbe ndërsa e cilësoi si një hap për të vazhduar përpara me dialogun.
“Mbretëria e Bashkuar ishte vendi i parë që njohu pavarësinë e Kosovës në vitin 2008 dhe mbetet e përkushtuar për të ardhmen e saj si një shtet i pavarur, multietnik në një rajon të qëndrueshëm dhe të begatë. Siç ia kam bërë të qartë kryeministrit Kurti, tensionet e vazhdueshme vënë në rrezik arritjet e arritura me vështirësi në Kosovë gjatë viteve së bashku me Mbretërinë e Bashkuar dhe partnerët ndërkombëtarë.” theksoi Cleverly.
