TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Qytetarët grekë iu rikthyen këtë të diel qendrave të votimit për një proces të dytë zgjedhor, brenda pesë javësh.
Ndërkohë sipas exit polleve të orës 17:30 , Demokracia e Re ka arritur të grumbullojë një mbështetje prej 42% të pjesëmarrësve në zgjedhje, e ndjekur nga Syriza me 17.6 %, si dhe PASOK 11,5 %.
Rezultatet paraprake:
Demokracia e Re: 42%
Syriza: 17.6 %
PASOK: 11,5 %
KKE: 8.1%
Spartanët: 5%
Zgjidhja Ell: 3.3%
Niki: 3.3%
Navigimi: 3%
DITA: 2.5%
Zgjedhjet e sotme parlamentare mbahen me sistemin proporcional të zgjeruar, në ndryshim nga ato të 21 majit që u mbajtën me sistemin proporcional të thjeshtë.
Sipas sondazheve, partia konservatore e kryeministrit, Kyriakos Mitsotakis ka shanse shumë të mira për një mandat tjetër nga zgjedhësit. Partia kryesore opozitare, ajo e majtë, Syriza e ish-kreut të qeverisë, Aleksis Tsipras ndodhet në sondazhe shumë më pas se partia Nea Demokratia.
Zgjedhjet e reja u bënë të nevojshme, sepse partitë pas pesë javësh zgjedhje nuk arritën të krijonin një koalicion qeverisës. Në zgjedhjet e 21 Majit, partia e Mitsotakis, Nea Demokratia doli kryesuese dhe arriti të marrë 40,8 të votave, por humbi shumicën aboslute. Sot do të aplikohet një e drejtë e re zgjedhore, sipas së cilës partisë më të fortë në zgjedhje i jepen edhe 50 vende plus. Prandaj Mitsotakis e paraqet veten si fitimtar të sigurtë dhe shpreson të arrijë shumicën absolute.
Partia kryesore opozitare Syriza shpreson ende për një shans. Luftojmë deri në minutën e fundit për një rezultat të suksesshëm, tha ish-kryeministri, Tsipras. Syriza në zgjedhjet e 21 majit mori 20% të votave. Në fushatën e fundit, Tsipras u përpoq të bëjë për vete votuesit me premtime të reja sociale, si rroga më të larta dhe pensione më të mira. Ai premtoi të ulë tvsh-në mbi artikujt ushqimorë dhe benzinën.
