TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Këshilltari i PD në Këshillin Bashkiak të Tiranës, Dorian Teliti në një prononcim për mediat pas vendimit për shkarkimin e Erion Veliajt, deklaroi se kryebashkiaku socialist mori atë që meritonte.
Teliti tha se për shkarkimin e tij, bashkuan votat të gjithë këshilltarët dhe tani i takon qeverisë të ndjekë hapat ligjorë për t’i hapur rrugën zgjedhjeve në Tiranë.
“Për PS dhe partitë e tjera Veliaj është i shkarkuar dhe nuk ka më gisht në punët e bashkisë dhe topi është në derën e qeverisë. I bëjmë thirrje qeverisë të ndjekë hapat ligjore për shkarkimin ligjor të Veliajt dhe largimin e tij me anë të vendimit të qeverisë dhe hapjen e garës urgjente për drejtimin e Tiranës për të kryer zgjedhje të ndershme në Tiranë. Veliaj e mori përgjigjen që meritonte, mori atë që meriton, mbolli urrejtje, korrupsion, hodhi gazlotsjellës, Nga ne, për Tiranën, për këshilltarët e majtë e të djathtë nuk është më kryetar. Kemi bërë çmos që t’ja arrijmë kësaj dite. E rëndësishme është që për ne nuk është më kryetar.”, tha ai.
