TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Pasditen e sotme (20 Maj) është mbajtur parada e komunitetit LGBT+ në Tiranë, ku qindra anëtarë të këtij komuniteti, aktivistë dhe mbështetës, kanë parakaluar në qendër të kryeqytetit.
Parada e këtij viti është mbajtur nën moton "Hape zemrën", një thirrje drejtuar shoqërisë për të pranuar dhe festuar diversitetin.
Pjesëmarrësit u ndalën edhe përpara Kryeministrisë, me një mesazh për qeverinë Rama, e cila ka qenë indiferente ndaj kërkesave të komunitetit LGBT+, për njohje të lidhjeve mes personave të së njëjtës gjini, regjistrimin e fëmijëve të këtyre personave si edhe aksesin e transgjinorëve në procedurat e nevojshme mjekësore për ndryshimin e gjinisë.
“Sot, mes shumë zemrash të hapura dhe të guximshme, në fillim të një dekade të dytë të betejës tonë për ekzistencë dinjitoze, njohje ligjore dhe trajtim të barabartë, ndiejmë peshën e artikulimit të betejave të secilit prej nesh, mbi të gjitha në emër të gjithë personave gej, lesbike, biseksualë, transgjinorë dhe interseks, të cilëve guximin e shpresen ua mbysin sfidat që duhet të përballin çdo ditë.
Sot, pavarësisht ekzistencës së një ligji për mbrojtjen nga diskriminimi dhe një Plani Kombëtar veprimi për personat LGBTI+, 75% e personave LGBTI+ raportojnë se personalisht janë përballur apo kanë dëshmuar dhunën dhe diskriminimin për shkak të orientimit seksual, identitetit gjinor apo karakteristikave të seksit. Për shkak të mungesës së besimit në institucionet e rendit dhe drejtësisë, 89% e tyre zgjedhin të mos e raportojnë dhunën dhe diskriminimin", deklaroi Xheni Karaj, drejtuese e "Aleanca LGBT", gjatë fjalës së saj përballë ndërtesës së qeverisë.
