TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Deputeti i PD-së, Flamur Noka u përjashtua nga seanca e sotme parlamentare, e cila deri më tani është ndërprerë tre herë për shkak të tensioneve, por ka refuzuar të dalë nga salla.
Pasi u përjashtua deputeti Noka nuk është lejuar të marrë fjalën në Kuvend, ndaj është afruar në tavolinën e socialistit Nasip Naço dhe iu është drejtuar Parlamentit me mikrofonin e tij që ishte i ndezur.
Por në atë moment ka ndërhyrë një nga gardistët duke tentuar ta largojë, por Flamur Noka e ka shtyrë.
“Nasip lëre fjalën, narkoman, narkoshtet dhe narkoregjim”, shprehet deputeti demokrat.
“Noka jeni i përjashtuar, do të vijojmë me masa të tjera që do t’ia kërkojmë Komisariatit të Etikës”, i drejtohet kryetarja e Kuvendit, Lindita Nikolla.
“Jeni Parlament i narkoshtetit”, thotë Noka, por gardisti e ka tërhequr, duke tentuar ta largojë nga mikrofonin.
Në atë moment deputeti demokrat është shtyrë e punonjësin e gardës. Por teksa tentoi të fliste sërish në mikrofonin e ligjvënësit socialist, kryeparlamentarja e kishte fikur.
