TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Vajza e ish-kryeministrit Sali Berisha, Argita Malltezi ka mohuar mbrëmjen e sotme se do të jetë në krye të demokratëve.
E ftuar në emisionin "Quo Vadis" në Vizion Plus Malltezi u shpreh se sipas saj, arsyeja e daljes në media, është të përcjellë zërin e babait të saj Sali Berisha dhe bashkëshortit Jamarbër Malltezi, të cilët për shkak se janë në arrest shtëpie, nuk mund të dalin dhe të flasin lirshëm.
Malltezi zbuloi për herë të parë edhe emrat e dy ish-deputetëve që nuk e shohin të favorshme kandidaturën e saj për në krye të PD-së. Sipas saj, ata janë Myslim Murrizi dhe Belind Këlliçi.
“Arsyeja pse kam dalë tani është për ti dhënë zë kësaj beteje politike që babai dhe bashkëshorti im nuk i japin dot për shkak të një vendimi të padrejtë gjykate. Rikthimi i Berishës në liri nuk do e bënte të nevojshme daljen time politike. PD ka një pjesë njerëzish që ndoshta do të më shihnin më të favorshëm nëse do të kandidoja, por ka edhe mendje ndryshe siç janë zoti Murrizi dhe zoti Këlliçi”, tha Argita Malltezi.
