TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Nën drejtimin e zëvendëskryetares së Kuvendit, Ermonela Felaj, u mblodh sot Këshilli për Legjislacionin, ku u relatuan nga deputetët Toni Gogu, Klotilda Bushka dhe Etilda Gjonaj, raportet për disa vendime të Gjykatës Kushtetuese.
Toni Gogu i propozoi Këshillit për Legjislacionin dërgimin e rekomandimeve për plotësimin e legjislacionit Komisionit për Çështjet Ligjore, Administratën Publike dhe të Drejtat e Njeriut me arsyetimin se pranë këtij komisioni është ngritur një grup pune me ekspertë dhe deputetë për rishikimin e disa dispozitave në ligjet e paketës së Reformës në Drejtësi, ku ndër të tjera dhe ligjin për Statusin e Gjyqtarëve e Prokurorëve.
Ky propozim u mbështet nga të gjithë anëtarët e Këshillit të Legjislacionit.
Pas relatimit nga deputetja Gjonaj, u vendos plotësimi i legjislacionit zgjedhor nga Komisioni i Posaçëm parlamentar “për realizimin e Reformës Zgjedhore”.
Lidhur me vendimin Nr. 1/2023 të Gjykatës Kushtetuese, deputetja Bushka u ndal në disa konstatime në pjesën arsyetuese të vendimit dhe propozoi marrjen e mendimit të ekspertëve konstitucionalistë.
Ky propozim u kundërshtua nga deputetët Gazment Bardhi dhe Dhurata Çupi, e cila theksoi se ky është vendim individual për çështjen e mandatit të deputetes Olta Xhaçka.
Pas diskutimeve, Këshilli për Legjislacionin me shumicën e anëtarëve vendosi të thërrasë ekspertë konstitucionalistë.
