TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Këshilltari i Presidentit, Bledar Dervishaj ka argumentuar se qëndrimin për vendimin e Gjykatës Kushtetuese për zgjedhjet e 30 qershorit 2019. Në një dalje për mediat, ai tha se opinioni i Venecias ishte i paraprogramuar, ndërsa u shpreh se Gjykata Kushtetuese dhe qeveria ishin në një linjë arsyetimi.
“Kjo mënyrë e operimit të Gjykatës Kushtetuese na krijon bindjen se ajo e kishte marrë vendimin që ta shpallte veten jo kompetente që në 23 qershor 2021 dhe dërgimi i çështjes në Komisionin e Venecias ishte vetëm një taktike e gjykatës që përmes procedurave ta shtynte në kohë vendimmarrjen e saj me qëllim për të krijuar një justifikim përballë publikut.
Sesa kjo mënyre e gjykatës ju përshtat kërkesave të qeverisë kjo nuk ka nevojë për komente, mjafton të lexoni vendimin e gjykatës dhe do kuptoni se Gjykata Kushtetuese dhe qeveria janë në të njëjtën linjë arsyetimi.
Sesa qeveria përmes përfaqësuesve të saj në Komisionin e Venecias ka mundur të ndikoje në orientimin e përgjigjes kjo nënkuptohet sepse qeveria është e përfaqësuar nga të emëruarit e saj.
Opinioni i komisionit të Venecias ishte i paraprogramuar dhe kjo për shkak të natyrës që i dhanë një mandat po aq të kufizuar komisionit të Venecias. Formalisht duhet thënë se Komisioni i Venecias i kujtoi gjykatës se nuk mund të zëvendëseje institucionet dhe se vetëm gjykata kushtetuese ka tagrin të vendosë, duke i rikujtuar përgjegjësinë që ka për tu shprehur me një shprehje kaq të madhe”, u shpreh Dervishaj.
