TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Lajme të mira kanë ardhur për Romën përpara finales së Ligës së Konferencës që do të luhet në Tiranë, me klubin që i pranohet kërkesa që ndeshja e fundit e kampionatit të luhet përpara datës së caktuar.
Torino-Roma ishte menduar të luhej në datën 22 maj, së bashku me sfidat e tjera të Serisë A, në të njëjtën kohë. Por klubi verdhekuq bëri një kërkesë në Asamblenë e Ligës, duke kërkuar që kjo sfidë të luhej më përpara, sepse nuk do të kishte kohë për teknikun Zhoze Murinjo që të përgatiste ekipin për finalen e Ligës së Konferencës përballë Fejnordit.
Duke qenë se Roma është në garë me tre ekipe të tjera për një vend në zonën europiane, kjo kërkesë shihej si e vështirë për t’u pranuar, por vendimi u mor që sfida me Torinon të luhet të premten e 20 majit, me portugezin që i është dhënë 5 ditë kohë për t’u përgatitur për finalen e madhe të Tiranës, pas fundit të kampionatit.
