TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Eljon Toçi është kthyer në një nga emrat më interesantë mes futbollistëve të cilët po rriten në akademitë e futbollit italian. Sulmuesi 19-vjeçar, po shkëlqen në radhët e skuadrës së të rinjve të Fiorentinës me paraqitjet dhe me golat e tij, duke e ndihmuar këtë të fundit të shkojë në finalen e Kupës së Italisë.
Sot, ai ishte vendimtar në duelin gjysmëfinal mes Fiorentinës dhe Romës, të mbyllur me shifrat 5-2, pasi tundi tre herë rrjetën e portës kundërshtare. Në pjesën e parë, golat e Toçit në minutat 21 dhe 23 bënë që sfida të shkonte në shifrat 3-1 për ekipin e tij, ndërsa në pjesën e dytë të ndeshjes ai shënoi edhe golin e rezultatit të përkohshëm 4-1 për ekipin e tij.
Tani Toçi do të provojë të fitojë trofeun në finalen ndaj Atalantës. Një sukses që ka qenë ogur i mirë për futbollistë të tjerë shqiptarë si Manaj me Interin, Strakosha me Lacion apo Asllani me Empolin, të cilët më pas janë bërë pjesë e Kombëtares A.
