TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Teknikut Sylvinho po vazhdojnë t’i dalin “probleme” përpara sfidës ndaj Çekisë, teksa pas dëmtimit të Ismajlit, në stërvitjen e kësaj të marte kanë munguar dhe 3 lojtarë të tjerë të grumbulluar, Kedi Bare, Klaus Gjasula dhe më i rëndësishmi, Armando Broja.
Sulmuesi ka ndjerë shqetësime në gjurin e operuar dhe është preferuar që të mos rrezikohet, duke e lënë pushim në seancën e sotme. Ai do të vlerësohet në ditën e nesërme nga stafi për të kuptuar nëse do të jetë apo jo në gatishmëri për duelin ndaj Çekisë.
Përsa i përket mesfushorëve, Bare është lënë pushim për shkak të problemeve fizike dhe vetëm ditën e nesërme do të merret vendimi për të, ndërsa Gjasula mbërrin në Rinas, vetëm ditën e sotme, pasi ka kaluar situatën me infeksionin në grykë, por nuk do të mund të stërvitet me ekipin, duke marrë pjesë vetëm në seancën e fundit me pjesën tjetër të lojtarëve.
