TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Interi nuk po kalon një periudhë të lumtur ku rezultateve me luhatje po i shtohet një listë e gjatë futbollistësh në infermieri. Emra të rëndësishëm që po prishin planet e trajnerit Inzagi në një moment kur skuadra përballet me një seri të rëndësishme ndeshjesh.
Kësaj liste së fundmi i shtohet edhe Hakan Çalhanollu, i cili është në dyshim pas një dëmtimi që mori në ije në barazimin 2-2 ndaj Monzës. Futbollisti turk, i cili normalisht do të ishe titullar në duelin e Superkupës ndaj Milanit më 18 janar, rrezikon të humbasë sfidën në Riad pasi situata e tij është më shqetësuese.
Inzagi kishte vlerësuar turkun për rolin që po kryen tashmë si zëvendësuesi i Brozoviç. Por ndërkohë, ai nuk është në gjendjen më të mirë dhe kështu do të detyrojë trajnerin të bëjë ndryshime të tjera. Këtyre problemeve i shtohen edhe ato të Lukakut, i cili është lënë pushim për ndeshjen e Kupës së Italisë ndaj Parmës.
Në klub tregojnë se nuk bëhet fjalë për gjëra shumë serioze por duke parë serinë e dëmtimeve dhe përsëritjeve të tyre te belgu, kanë vendosur që ta lënë të pushojë i qetë që të jetë në maksimum pikërisht duke menduar sfidën me kuqezinjtë.
