TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Roberto Firmino do të largohet nga Liverpuli në fund të sezonit. “Sky Sports Deutschland” zbulon se sulmuesi brazilian, i cili është në skadencë kontrate në “Anfield Road” këtë verë, ka vendosur që të mos e rinovojë kontratën dhe ka njoftuar trajnerin Jyrgen Klop se preferon të provojë një aventurë të re.
31-vjeçari pritet t’i japë kështu lamtumirën klubit pas 8 viteve të suksesshme ku ai fitoi çdo trofe.
Tekniku gjerman e kishte shprehur shumë herë se donte që sulmuesi të rinovonte, por tashmë është dorëzuar.
Firmino u transferua në Liverpul nga Honfenhaimi për 21.3 milionë paund në 2015-ën. Prej atëherë ai ka shënuar 107 gola dhe asistuar 78 në 352 prezenca.
