TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ish-kapiteni i kombëtares së Anglisë, David Beckham, është nderuar me titullin prestigjioz “Kalorës i Mbretit” në ceremoninë e përvitshme të ditëlindjes së monarkut britanik. Përkrah tij, me këtë titull u vlerësuan edhe ish-kampionja e tenisit në Wimbledon, Virginia Wade, dhe ylli në ngjitje i shigjetave, Luke Littler.
Beckham, që ka përfaqësuar Anglinë në 115 ndeshje dhe ka fituar tituj në katër vende të ndryshme, përfshirë Ligën e Kampionëve me Manchester United në vitin 1999, u vlerësua për kontributin e tij të gjatë në sport dhe bamirësi.
Pas tërheqjes nga futbolli aktiv, Beckham u bë themelues dhe bashkëpronar i klubit amerikan Inter Miami dhe ka mbajtur role kyçe si ambasador i UNICEF-it që prej vitit 2005, si dhe ambasador i Fondacionit të Mbretit që nga viti i kaluar.
Në një reagim pas marrjes së titullit, Beckham tha:
“Duke u rritur në Londrën Lindore me një familje thellësisht patriotike, nuk do ta kisha imagjinuar kurrë një nderim kaq të madh. Jam thellësisht i përulur.”
