TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Mbi vendin tonë po mban mot i ftohtë dhe me reshje në pjesën më të madhe të vendit.
Në një lidhje telefonike për News24, sinpotikania Adiola Bani nga Meteoalb u shpreh se ulja e temperaturave do vijojë edhe në ditët në vijim duke arritur në -13 gradë Celsius në disa vende.
Sa i përket reshjeve, sinoptikania tha se të premten priten reshje dëbore në 90% të vendit duke përshirë edhe zonat e ulëta siç është Tirana apo edhe Vlora.
“Kemi pasur një ulje të ndjeshme të temperaturave ditët e fundit. Pritet që edhe dita e nesërme të sjellë reshje dëbore në pjesë më të madhe. Reshjet e dëborës do përfshijnë 90% të territorit.
Do kemi reshje edhe në zonat e ulëta. Temperaturat minimale do shkojnë në -13 gradë, ndërsa maksimalja 7 gradë.
15-ditësh i parë i janarit pritet të jetë i ftohtë dhe me pak reshje. Gjatë ditës së nesërme ekziston mundësia që edhe Tirana dhe Vlora të preken nga flokët e dëborës.
Ngricat do të jene më shumë prezentë gjatë këtyre ditëve, ndërsa pjesa e dyte e janarit do jetë në vlerat normale për stinën”- tha sinoptikania./BW
