TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Parlamenti i Holandës diskuton mundësinë e rikthimit të regjimit të vizave me Shqipërinë.
Dhoma e Përfaqësuesve dhe partitë parlamentare CDA, VVD, PS dhe ChristenUnie ka kërkuar në shumicë rikthimin e vizave për shtetasit shqiptarë, njofton portali holandez “Het Parool”.
Ministri i punëve të jashtme, Stef Blok, gjatë debatit të zhvilluar të mërkurën mbrëma, u shpreh ndër të tjera se, për një masë të tillë duhet dakordësia me të gjitha vendet e Unionit.
Ndërsa anëtari i Parlamentit Madeleine van Toorenburg, nga partia CDA, vuri në dukje se në vitin 2017, policia e Amsterdamit dhe autoritetet e drejtësisë kërkuan që të rifillohej regjimi i vizave për Shqipërinë.
Rritja e kriminalitetit në vend, ku shumica e trafiqeve drejtohen nga shqiptarë, ka sjellë disa herë debatin nëse Holanda duhet apo jo të rivendosë regjimin e vizave për shtetasit shqiptar.
